قروب البكلات والشباصات وهم جين من العرس

السلام عليكم ورحمة الله وبركاته

شوفوا سوالف البكلات والشباصات وهم راجعين من اي عرس :

بداية المقدمه اعرفكم بالسواق مهجر العشاق


مهجر العشاق: اركبوا السياره وكل وحده تنتبه لا تصك باب السياره على عبايتها

وبمجرد ما انقفل باب السياره 00بدأ الأستديو التحليلي 00اسمعوا ما قاله وما يقوله السحالي بعد

كل زواج0

سحاب : ايش فيك تأخرتي؟

سكرزيادهـ : ساعه قاعده ادور على عباتي 00انتي ما شفتي الحريم يتضاربون عند العبايات 00العبايات تلخبطت

روح الورد : يا ليتنا ما رحنا زواجهم

مهجر العشاق : ليش؟

روح الورد : زحمه والبزران يتضاربون بقشر البرتقال ويلعبون بالمويه

سحاب : ما شفتي ذيك اللي كبت القهوه على الحرمه اللي كانت نايمه؟

روح الورد : لا والله ما شفتها 00انا ما شفت ولا شي في الزواج 00طول الوقت قاعده ادور على جزمة بنتي مها

سكر زياده: ايش رايكم في الفستان اللي لابسته شـوق؟

سحاب : مو حلو 00محنقط عليها والسحاب باين

سكر زياده: انا اعجبني مكياج مستبده 00تقول ان زوجة خالها جابته لها هدية من باريس

روح الورد : هههههه من باريس 00تضحك عليك يا هبلا 00تلقينه من محلات ابو ريالين

وقفه/ ! شوفوو بعد ماحكوو رؤسهم وقالوو بس حرام الحش

***************

الغريب والعجيب انهم واثناء حديثهم في السياره يقولون لبعضهم 00خلاص يا بنات

بس 000ترى ما يجوز نتكلم على الناس0

تكمله

سكرزياده : صح والله كلامك يا اختي 000ما يجوزنتكلم عليهم 00بس شفتي الحرمه اللي كانت

قاعده جنبي على العشاء وتقطع لي لحم؟

سحاب : ايوه شفتها 00هههههههه متوصيه فيك 00شكلها بتخطبك لولدها

سكر : وجع في شكلها هي وولدها 00قاعده تقطع لي من اللحم الكبار اللي ما ينوكل

وهي طايحه في اللحم الزين0

العشاء

مهجر: ايش رايكم في العشاء

روح الورد : دسم وكله شحم

سحاب : بارد

سكر زياده:اللحم كبار سكر<< خبيرة لحووم هههههه

روح الورد : وفيه حريم ما تعشوا 00قاعدين على الكراسي اللي في الكوشه 00شايفين نفسهم

سحاب: حتى ام العروسه 00ما تعشت مسكينه 00طول الوقت قاعده تبكي

سكر زيادهـ : هههههههههه تبكي من الفرحه يا هبلا 00ما شفتي صدرها منتفخ من الفلوس

بس 00خلاص 00ما يجوز 00

صح والله 000ما يجوز 000بس شفتي 000وشفتي 00وشفتي

وللأسف منتشره هالعادة السيئه بشكل مو طبيعي عند طقة بكله وظربة شباصه
جنون تركي غير متصل رد مع اقتباس