مسجات عتاااااب

هـــــــــــــــــــــــاااااااااااااااااااي





غيبتي طالت ولاهمك جفاي
وكنت عايش في امل تسأل علي
من غلاك احسبك عايش في رجاي
وانت ماهمك ولو طال زعلي
انت مالك ذنب هذا من غباي
ناسي واحسبك تتغلى علي







في عز ماكنت محتاجك تخليني
هذا جزاء الطيب والمعروف يالغالي
تدري في قربك تموتني وتحييني
اليوم بالذات تكفى لا تجافيني
محتاجك اكثر واكثر من نظر عيني
الله يعلم وش اللي صاير فيني
ابيك تجمع حطام اللي انهدم فيني
انا دخيلك علي ضاقت احوالي





انا جيت اعشقك نبض ومشاعر مااعشقك تمثال
اناجيت اسكنك واحياك وابقى فيك وابقى لك
انا جيت استفز رضاك من فرقاك والجا لك
انا ماهمت بك عاقل انا كنت اعشقك بخبال
انا ماكنت احبك حي انا كنت اعشقك هالك
ابي قلبك يحس انه فقد بمحبته انسان
ملكته من هدب عينه وخسرت رضاه بهمالك
صحيح ان الفراق اقسى ولكن الوصال محال
وانا صعب علي ارضي غرورك واضعف قبالك





ما زعلت الا بعد ماتماديت بخطـــــــاك ..
تحسبيني كل مره اقبل لك عــــــــــــــذر
لوتقول اللي المفارق هذا دربه وجــــاك ..
بس ((انا)) بنصحك ياصاحبي خلك حذر
النظيف لامن عطيته يبين به عطــــــاك ..
والقذر مهما عطيته يبقى لك قـــــــــــــذر





اللي تحبه يارفيقي وتغليـــــــــــه ..
لو غاب عنك من تحط بمكانـــه
لو كل واحد نسى جرح غاليـــــه ..
ماكان به غالي تذكر زمانــــــــه
خله عشان الوقت لابد يربيـــــــه ..
عشان يعرف قيمتك مو عشانـــه
الكون واسع لاتجاري خطاويــــه ..
يلقي بدالك وانت تلقى مكانـــــــه





الا بخطي ثم بخطي وبخطــــــــــــــــي ..
انا بشر ماني عن الذنب معصــــوم
ماهو صحيح اخذ معك دوم واعطــــــي ..
واليا حصل شي بيننا صارت علــــــــوم
واااجد عيوبك لكن استر واغطــــــــــي ..
اخاف لانخسر بعضنا على يـــــــوم





متى ماجتلك على الكيف اتصلـــــــت !!
ومتى ماودك كذا ماتتصــــــــــل !!
ومتى ماطقت براسك زعلـــــــــــــت !!
حتى لو مابه داعي للزعــــــــــل !!
واثر يوم انك تتعمد ما سألــــــــــــت !!
اثر لك احباب عن حـبــي بـــدل !!





منك نتعلم لعبت الصد ونصــــــــــد ..
مادام قلبك والليالي علينـــــــــــا
منك نتعلم كيف مانحفظ الـــــــــــود ..
(( وتشوف منا ماتسويه فينــــــــا ))
والحين لازم تاخذ المسأله جـــــــــد ..
علمتنا نقسى وشفنا قسينـــــــــــا






لاعاد ترجاني ولاني براجيـــــــــــك ..
والكل منا جعل دربه سلامـــــــــــه
لاعاد اسولف بك ولاجيب طاريــــك ..
وانشهد ان بعض المعرفه ندامــــــه
قلبي من اول يودك ويغليـــــــــــــك ..
وعن خلق الله ترفعت هامـــــــــــــه
واليوم عذال الهوى شرعوا فيـــــك ..
حطوا على عينك سواد الغمامـه
لا تحسبي في قصيدي انا اجيــــــك ..
عن حبنا اللي راح واقفى غرامــــه
حبك تحطم وانتهى بين اياديـــــــك ..
قصر الغرام اللي بنيته هدامـــــــــه





امانـه قبـل أروح و ينتهـي كل شـي طالعنـي
عشـان تعـرف وش معنى العطـا قبل الأنانيّـه
أبرحـل والطريـق اللـي يـودي ما يرجعنـي
يبي يغنينـي الله عـن هوى حبـك و طاريّـه
خـذ البـاب بطريقـك والعـذر ماعـاد ينفعنـي
ترى ماعـاد لك قيمـه ولا للحـب أهميّـه





اجرحيني ثم روحي
مادام
الحب راح
لاأنتي أول من جرحني
ولا آخر
من يــروح
لاخسرتي عاشقك!
لاتحسبينه..
"نجــــاح"!
جيت أعزي فيك قلبي
وجا قلبي
ينــــوح
في مهب الريح
يامعاكس أمواج
الـريــــــاح
الزمن ماهو زمانك..
تبــــوح أو ماتبــــوح!!





مات حبك والبقيه في حياتك
في حنايا خافقي لاقي مصيره
خذ مع الجثمان باقي ذكرياتك
تجربه حبي معك كانت مريره