يقطر عنب شوقي على صدر سكرك 00واشربك [خمر الحب ]واذوب واسكر00

يقطر عنب شوقي على صدر سكرك 00
واشربك [خمر الحب ]
واذوب واسكر00
اعيش بك نشوه من اولك لاخرك00
سكر على سكر وسكر بسكر!!
********************************

وين اروح؟
بعد ماضاقت بي الدنيا بدونك0
وين باهرب من عيونك؟
علميني!
اي ارض بتحتضني
بكل مابي من جروح!
صدقيني!
كل حزن الكون واكثر صار فيني00
كل هموم الناس واكثر تعتريني00
هااااه!!
ظنك فيه ارض بتحتويني؟
ماابي منك اجابه 00
كثر مااحتاج لسؤال00
اسالي نفسك وقولي :
ليه انا اصلا تركته ؟
دامه اطيب قلب شفته!
لاجحود ولااناني او وصولي
وجاوبي نفسك بنفسك
واعذريني على السؤال!
**********************************

ياهم ياللي في خفا خافقي طلت00!
ارحل ترى خافقي قرب رحيله؟؟
ياهم جاني ماكفاني وحصلت00!
جسمي قضا وعظام جسمي نحيله؟؟
لو حملوا سلمى مثل ماحملت00!
صاحت لاجامن جور حمل تشيله؟؟
ولو ان جبل سنجار شال ماشلت00!
مبطي شكا ضيم الحمول الثقيله؟؟
اصبر ولو شفت الزمان ماملت00!
واقول يمكن يعتدل عقب ميله؟؟
************************************

ماتاثرت بغيابك ويش يعني دمعتين!!؟؟
بكره انسى صدقيني وارجع بكامل قواي !
ادري ان حنا افترقنا بس ابفهم حاجتين؟؟
علميني وش كسبتي وعلميني وش خطاي؟؟
اصلا الموضوع كله ماتعدى كلمتين00!!
التقينا عند [احبك]
وافترقنا عند [باي]
*************************************

وحيد ماعندي حبايب وخلان 00!
والحزن مايعرف من الناس الاي00!
انسان ادور بالمسافات انسان !
لا قلت [اه]
يقولها صدق وياي!!
*************************************

بعض الشكوك تدك صرح الهوى دك00!
اقر الحروف ومقصدي تستشفه00!
ان كان حطيت الغلا000في طرف شك00!
يطيح لامن جا عاذل ودفه00!
***************************************

كيف اوصف كبر حبك 00
وهوه كل ثانيه يكبر 00
ولو جاملتك بوصف ثاني ترى الاضعاف مكنوه00!
كفايه قبل تنطقها ارددها انا اكثر 00!
كفايه قبل ماتنادي جوابي دوم ياعيونه؟
وتبي اوصفلك شعوري00!
حبيبي والله مااقدر
شعوري فاق معنى الحب ومدري وش يسمونه!؟
******************************************

الغايب اللي سولفت عنه الايام
راح وتركلي بالمعاليق صوره00
هو مادرى انه بالحشا من كذا عام
يبني على ساس المحبه قصوره00
الله يرده دام باقي لي احلام
ماكان لغيابه اساس وضروره!!
****************************************

قالوا هلي وشفيك ماترقد الليل
ترى السهر ماله عواقب حميده
كانك مريض روح واعمل تحاليل
يشرح لك الدكتور وصفه مفيده
قلت انشدوا راعي الرموش المظاليل
اليوم صار الحل والربط بيده
قالوا تحبه
قلت:
بالحيل بالحيل بالحيل !!!
*****************************************

ريح نفسك وكف مدمعك
ولا تجاري الشك فيني والظنون
انت بس ولا حدن معك
وين ماطالع تلاقيك العيون
انت في قلبي وعيني مهجعك
لك عيوني فراش ولحافك جفون
انت الاول في حياتي موقعك
منه كل الناس عجزوا يوصلون000
***************************************

تفاحة نيوتن على الارض طاحت
وانتي بعد في قلب مغليك طحتي
الجاذبيه بعالي الصوت صاحت
وانتي بكبرك وسط قلبي انسكبتي
كل مااضمك ريحة العطر فاحت
كنك من ورود العبير انخلقتي !!
****************************************

تاهت الخطوه على الدرب البعيد00
والمشاعر همها ذاك السؤال00!
هو صحيح اللي مضى يرجع يعيد00؟
وترجع ايام المحبه والوصال00
لو صحيح الحب به عبد وسيد 00!
انت سيدي وانت عمي والخوال 00!
*****************************************

دكتور لو تشرح عن عيونها السود 00
ابرك لنا من شرحك بعلم الاعصاب00
تشرح لنا الاعصاب في مخ مولود00
واعصابنا ذابت من فراق الاحباب00
تشرح وانا عقلي من العام مفقود00
عقلي مع اللي كامل الزين جذاب00
*****************************************