حركتات مونذوا مـــــــبـــــــــــطي..."!!

ويااااامرحباً فيني وفيكم وفي كل مسلم "

حبيت بس ارجع الماضي بسوالفنا اوول وحركاتنا والحياة البسيطه اللي لا تتعدى سوا ضحكه

الله يذكر ذيك الايام بالخير .. بصراحه خذتنا طاحونة الحياه وعصرت منا العادات الزينه ماعاد باقي الا بقايا ذكريات .. ما اقول الا الله على ذيك الايام بحلوها ومرها ..

واكيد معنا ناس لاحقه على ذيك الايام ولو مالحق اكيد فيه احد قاله عنها وبما ان الموضوع سوالف خلوونا نسوولف عن " ايام زمان " ونتذكر وشــ كان فيها

************


تذكرون لمايجيك واحد حقنــــــــه وبثر من العائله اكبر منك ويقولك تبي اسويلك ساعه وانت
تمدله يدك ويقوم يعضك ذيك العضه اللي تطلع عيونك منها . وبعدها يقوول يلا قم ورها ا اخوانك
******************
تذكرون لما كنا نصور فوري عند مصور الحاره وطبعا غصبن عليك الخلفيه زرقاء موب على كيفك ولازم تسرح شعرك بالمشط اللي عنده كله شعر ولا تلبس شماغ من عنده وعقال اشهب وعريض لو تطق فيه كافر اسلم ..وبعدين يقصلك الصورة بالآله اللي عنده " ام ذراع " والاطراف مشرشره يعني يقالك حركه .

*****************



تذكرون اول يوم دوام بالمدرسه كانوا يسلمونا الكتب كلهم مع بعض وصافين الكتب من الكبيييييييييير لحد الصغير وطبعا الكبير كتاب " العلوم " وكانوا يربطونهم بحبل عشان ما ينفلون
وانت جااي مدررعم وريحتك جبن ولا بيض مسلوق على الصبح وخانقتك العبره علشان بتفارق البيت....ياااذيك الايام

*******************تذكرون المعجون الصغير اللي ريحته تعورالراس وتجيب شد عضلي في الفك و التفكير .. ومعاه عود بلاستيك لونه " احمر " ..
ونجي نفكه بالمقلوب ونرعصه ونلف العود عليه وننفخ عشان نسوي تفيخه ولا بالونه طبعا لا تفيخه
ولا قالها الله لين تطلع عيونك منها .. هذا اللي يسمونه جهاد مع البلعوم والحنجره

***********
تذكرون لما كانوا المنتخب السعودي على ايام النعيمه وماجد عبدالله وشلون كان الطقم حق المنتخب شورت "نايلو " وفنيله بدي
بس عااد نايلوو يااشيخ لو تقرب من عند دفاايه لززق الشورت في فخذك
ولا اذا جو يصورون حط اصبعه في الارض عموود ارتكاز والشعر كشه لو يتروش بيخلص الخزان ماووصلت المويه لفروة الرآس

**************
تذكرون لما كنا نشوف افتح ياسمسم ونتأثر بكعكي اللي ياكل بسكوت ونشتري بسكوت
كاكاو ونقعد ناكل مثله والوالده تصارخ من قمة راسها تقوووول وووجع يوجع عدوكم وشــ هالشفاحه
من لاحقكم

***************

تذكرون يوم الجمعة ... نـقوم من الصبح علشان نـسمع أغنية .. في عالم الشعوب قصائص
لا تنتهي وعالم حلو بهي يسكن في قلوب في قصص الشعوب .(طبعا اسمه حكايات عالميه)
وكان بصوت الفنانه اصاله نصري وهي صغنونه وعليها ملابس من الهرم ههههههه << اشاعه عنيفه
بس كانت بدايات اصاله بالاغنيه هذي

****************
تذكرون لما كانوا بالصيف يسبحونا من الطشت والمغرافه الزرقاء او الحمراء
وانت تتنافض من البرد مابعد جاء على جسمك المويه اصلا(شعور نفسي ) تحتري متى يرشون (يكبون) عليك المويه
طيب فك الدش ياخي وريح عمرك .... ياسلام على سياسة ترشيد المياه منذ القدم .

***************

تذكرون تيلفون ابوقرص اللي يخيب املك ويعوور اصبعك ويجيبلك تبلد حسي بالاصبع ويموت الجلد اللي تحت ظفرك وانت تتصل وياااااااويلك يطلع الرقم مشغول
لان مافي " ريدايل " والله يعينك اذا بغيت تدق مكالمه دووليه لشغالتكم ولا تكلم لك احد هناك تعرفه " تعربد اصابعك "... صدق كانت معناة بالعيشه... مالها دخل

*************

تذكرون لما نرجع من زواج طبعا تلقاك لاعب لين طاح وجهك من اللعب وتركب السياره ومسووي مركز(منتبه) مع ابوك في السياره
ومن يوم يشغل بيمشي وانت حاط راسك على كتف امك ولا ابوك "الله لا يلومك" بصراحه المهم من تحركون وابوك وامك حانين فوق راسك
يلا وصلنا خلاص قربنا وبيتكم في آخر الدنياا كله مايبون يشيلونك لفرااشك ولا تركب ورا اخر السياره وتطـقها نومه لحد البيت وتحصلك تتحرش بأخوانك تنزل رجولك عليهم يعني يقالك قاهرهم حاجز بدرري وراا ..

**************
تذكرون لما كنا نربط الشرشف على رقبتنا يعني يقالك سوبرمان ونطلع فوق السرير ولا فوق شنطه وانطط على الدواشق ولا السرير واخر شي طاب غلط ومنكسره يدك ....(مع هذا احلى شقااوه)

***************

تذكرون ايام ربوع بلادي برنامج يجي في رمضان معهم جي ام سي وياخذون سياحه على المملكه وكل يووم بــ ديره .. عاد مررره ياللي عندنا معالم واشياء تفتح النفس
والبنات لابسين فسااتين لووول وين رايحين زواج الله يصلحهم لا ومنفش الفستان وكله حديقة ورود ولازم جديلتين يعني عايشين الاصاله بحذافيرها

***************
تذكرون لما كنا نحط قوطي الببسي ولا بااقي الفيمتو في كيسه بلاستك بالفريزر عشان يثلج ... الله زمان حتى اللوز كانت اصليه ذاك الوقت الحين" ميد إن لك عليها "
وكل ماتروح تبي تاخذه تلاقي الوالده منزلته تحت وماثلج.....راحت الفرحه

******************

تذكرون اول اذا الولد سرق سيارة ابوه كانت الرجل اليمين على البانزين واالرجل اليسار على البريك من الثواره
ولازم عاد يمر على الشباب في الحاره ويشطفهم بالسياره يعني ترا انا ثقه في السواقه .. واديلوووووو بريك وبنزين ..واخرتها
واحد من الجيران من زووود الحرص ويقاله يدور مصلحتك راايح لأبوك وماتشوف الولد اسبوع .... تحت التحقيق بعد اثار الجريمه ..عقده يااخي

*********************

تذكرون عزايم قبل والسماط المفروش على كبر مساحة الحوش اللي عليه صورة " سلة فواكه "
وريحته لازم ريحة مطبخ وقاعدين على المده اللي اذا قمت تلاقي رجلك كلها شخوط من السفره ... .ياخي وشــ هالزهد بس.

**************
تذكرون لما هبينا في اغنيه الرويشد عويشق عسا الله يعينه
عن جد هذا اللي يسمونه الحب الطاهر وحاطين المسجل على سيكل جوبيتر مقاس 20 وانواع الفرفره في الحاره والصوت
العالي يعني اللي مايسمع يسمع ... بس ماتجي عويشق وسيكل

********************

تذكرون ايام الدراسه قبل يعني يكون اجتهاد تعليمي وحاط حيلك بالدراسه وتشتري قلم فسفوري
اصفر ولا برتقالي عشان تظلل على الشي المهم اخر شي مظللين على كل الكتاب وين
الشي المهم مادري هههههههههههههههههههههههههههههههههههههه

****************

تذكرون ايام التشخيص ايام زمان كانت عباره عن سيارة هوندا بيضاء اكورد باب واحد وملزق
على اللوحه حقت السياره من ورى شعار نادي الهلال يعني كووول وولد الرياض والمشط بالدرج
اللي عليه رسمة قبضة يد اللي ينفشون فيه الشعر وحاط بالمسجل شريط مســـرعّ .. ولا الفنانه رباب وماسك زاويه 60 وتطالع العالم بنص عين

***************

تذكرون ايام زمان تصحى من النوم على طول للشارع وكوره لحد اذان الظهر بعدين " راحه بين الشوطين " اللي هو بعد الظهر وغصب عليك بعد ولا انت ماودك
وترجع العصر وتلعب مبارة مع فريق الحاره اللي جنبكم والجائزه عباره عن كرتون علووك وترجع للبيت المغرب يقالك تريح وتطلع بعد العشاء ويكون آخر مشوار الكوره لعبة القواطي
اللي اذا شات بالكوره احد قووطيك الله لا يهنيك خذ لك اي شيء واقعد حفر تحتك لين يخلصون اووم الاضطهاد

***************تذكرون لما كانت جائزة البيبسي سياره بالغطاء من جوا من الداخل كنا الظهر نروح
الحوش الوراني وونفك القزازه كلها وبعدين نرجع نسكرها .. بس آي كلام يعني يقالك حابس الغازات
وكلها طايره ومتبخره وصايره موويه بدون غازات وترجعها للثلاجه ولو تشربها بيمشي بطنك اسبوع من السكر اللي فيها

**************
تذكرون لمايقول الاستاذ ان هذي الصفحات ملغيه.. ايوااااااااااا تعال شوف التشطيب
اللي على الصفحه من فوووووووووق لحد تحت ولا انشقها خير شر من الكتاب.....شدعوا
هالحقد عاد ؟!!

**************
تذكرون لما تتهاوش مع ولد جيرانكم وتقوله " وخر " عن بيتنا وعن رصيفنا يقولك مو رصيفكم هذا رصيف الحكومه
كلام منطقي الصراحه , هههههههههه ويقعد يحوس قبال بيتكم ويمر يمك ويقولك ماجيتك ماجيتك


*************
تذكرون كمبيوتر صخر 170 لما حنينا على الوالد عشان يشتريه عشان
يساعدنا بالدراسه اخر شي محولين على لعبة الاميره ام الخواتم ورامبو اللي يطير الطياره ولا لعبة بيكمون
واذا دخل الوالد حطينا شريط بنك المعلومات يعني يقالك استفاده . امحق

*************

تذكرون لما يروحون الاولاد الصغار السوق مع الوالد يشتري لهم طاقات ثياب حقت العيد ..اخر شي
شاري طاقه كامله نفس اللون وتشوف بأول يوم العيد من ابوك لحد اخوك الصغير
نفس الثياب ( تقول خريجين جامعه ولا فرقة الدانه ) .

****************

تذكرون لا بغوا الشباب يشيلون حديد يعبون قواطي نيدو اسمنت ويحطون بينهم
ماصوره حديد... وهووووووووبا واخر شي منكسر ه ظهورهم .... .

******************

تذكرون المسجل الاسود حق استاذ الانجليزي اذا دخل علينا فيه.. " قمة الوناسه "
اليوم ليسيننج يعني مافي اسئله ورووووح سكشن فايف .....
ترررررن تررررررن سكشن فايف.....هاي سوبر فالكون .


**************

تذكرون الاستشوار الاحمر ابو شنطه بيضا تقول لاب توب مع السلك حقه كنه خرطوم طياره
(تشغله قبله بيوم عشان يصير حـــار.)..

**************

تذكرون الكشكول ولا على قولة البنات الفوتغراف حق المعجبات اللي كل وحده حاطه كلام عبااره عن كلمتين في الاخير اتمنى لك التوفيق والسعاده في ظل والديك وتوقيع يحبووم الكبد >>أدري أنها سبه بس مايخالف
**************

تذكرون لما نقلد رقص مايكل جاكسون ونسوي حركـة الرجعه وحركة اليد اللي على
الجنب ونغني بيييييييييييلييييييييييه بييييييييييلييييييييه وشووو بيله مادري

************

تذكرون البنات اول لما كانت امهم تحنيهم وتربط ايدينهم واذا شفت الوحده كنها ملاكمه يادافع البلا وتقعد طول الوقت البنت يمه حكي ظهري يمه انا جوعانه .. الخ >>ياحوبي لنا

**********تذكروووون اول ...... لاجاء عدنان ولينا وقمنا نتهاوش على المكان اللي قريب من التلفزيون وهذا كله علشان نحط ارجولنا على المكتبه حقت التلفزيون <<.... ياعيشتن قشرا ...

************

تذكروووون المكنســـــــــه وأستخداماتها العديده مره يعننها حصان ومره يعننى أنا ساحر وأبي أطير ومره ومراااات أنطارد فيها القطاوه فالحووووش

*************
وتذكروووون وتذكرووووون <<.... أقوووول كح كح كح وشذا الغبار غبار السنين كتمتنا وجااابت لنا الربو ... بس اياام حلووه بما تعنيه الكلمه

ــــــــــــــــــــــــــــ
أقول ياالربع يااويل اللي يدخل ولا يرد سامعين"
ترى الحتسي متعووب عليه">>تراها صادقه

انتمنى أن ينال أعجابكم":36_15_5[1]: