قصه حب واقعيه بسبب كيس بطاطس

طفل جالس وبيده كيس بطاطس..
يناظر الشاشه مسحور بسحرها ..
وبيده الثانيه علبه عصير ومصاصها
ينقط يسيل منبهر باللي يشووفه
ماهمته كل الظرووف يحلم يصير هزيم الرعد يقدر يطير
دق الباب وجاهم ضيوف..
يرحبون بالجيران الجدد..
استمر هالطفل ع هالحال واكثر ..
شافته طفله ..
وجاته تسال :وش ذا اللي بيدك؟
وش ذا الكيس وش اللي بداخله ؟
طالع الطفل بكل احتقاار ..
وحس بغرووور
هذا كيسي كيس البطاطس حقي طالعت البنت
وبكل لهفه واحترام تساله :ممكن اجرب ممكن اذوق ؟
مد يده وبكل بخل يدوور اصغر قطعه عنده .
يمدها للبنت وبداخله ما وده ..
خذتها البنت وحست بالاهانه طالعت فيه
وبكل برائه ولئامه الاناث قالت له : بس هذي ؟
قال اي مش عاجبك هاتيهها
خذتها وطردت عليه : هذذا انتم يالرجال ..
الحسد والطمع مالي قلوبكم ..
حس بقهر رد قايل :وهذا انتوا يالحريم الكذب والمكر يمشي بعروقكم ..
هذا كيسي وشبعي به اصلن مليت منه ..
مدها لها وبكل منه ..
وتاخذه منه وهي بكل اعتزاز...
وتطالعه مستصغره
تاخذ كيس البطاطس وتاكله ..
جالسه يم الطفل والشاشه مطالعه ..
التفتت صوبه وسالته : الا انت وش اسمك ؟؟
يطالعها
ويقول برجوله ابوه: انا اسمي خالدد ..
وانتي ؟ وهي معجبها اسمها :اسمي امل ..
وعمري ست سنوات انت كم عمرك؟
رد :انا اكبر منك عمري سبع سنوات وبعد شهرين ونص ادخل الثمان سنوات ..
وبعدين ام امل نادت امل وقالت لها يالله تاخرنا ع البيت وراحت بيتها واول ما وصلت وجت تبدل هدومها
فتشت مخباتها لقت كيس البطاطس تذكرت انها بعد ما خلصت منه استحت ترميه ..
وحطته في مخباتها
ناظرت فيه وتذكرت اللي صار بينها وبين خالد ..
طوته وحطته في صندووق كانت تحتفظ فيه بالاشياء المهمه
ووعدت نفسها انها ماراح تضيع الكيس
مرت الايام وصاروا العايلتين يتزاورون بعض كل عصريه ببيت واحد منهم وصار خالد وامل ينتظرون العصريه علشان
يتقابلون احيانا يلعبون يتهاوشون ذي صاحت لامها انه جرها من شعرها وهو يصيح ع امه انها خذت لعبته
وفي الاخير يتصالحون ولوضعهم الاول يردون مره تعانده ومره يعاندها ويتزاعلون وباقل اغراء من الالعاب ولا البسكوت
يتصالحون ؟
ومرت كم سنه وهم ع هالوضع وبيوم يكتشف خالد ان امل ماعاد تكشف عليه ..
ليه؟زعلانه ؟وش انا مسوي لها ؟
يسال امه عن الاسباب وامه تقول :ياوليدي امل كبرت وماعاد تكشف لاحد صار هو :يمه بس مدري وش اقول كان يبي
ووده يقول انه ما يقدر يمر عليه يوم من غير ما يشوفها اجل كيف بيصبر سنين؟ ماقالها بس ذي امه وتعرف وش هو يبي
يقول عرفت خالد انه يحب امل ونوت انهم لبعض بعد كم سنه قالت له : شوف ياخالد ان شالله بيجي اليوم اللي بتشوف فيه امل
حزنت امل مثل خالد واكثر استحملت يوم يومين بس مب اكثر فكرت بحل ولقته !!
الرسايل لقت انه هذا الحل اللي تقدر به تكلم خالد
كتبت له رساله اول رساله مفداها اربع حروف (احــــــــــــــــبك )
فكرت وشلون توصل هالرساله لقت اخوها نادته: تعال يا احمد ابيك جاها احمد :هاه وش عندك هالمره البقاله ولا الجيران؟
قالت : لا الاثنين سوا !
هذي الفلوس رح اشتر اللي تبغاه وهذا الدفتر وده بيت ام خالد وعطه خالد وقله انه يطبعه لي
راح احمد لبيت خالد طق الباب وقال: هلا ياخاله خالد هنا ؟
ام خالد : اي بغرفته ياخالد تعال ياخااالد جا خالد :هاه يمه سمي وش بغيتي
ردت عليه احمد ع الباب يبغاك راحت ام خالد وبقى خالد واحمد خالد: ها احمد وش بغيت ؟ ا
حمد هذا دفتر امل تبغاه تطبعه لها
خالد : بس كذا الله ينعن اللي ما يطبعه والحين احمد خلاص روح واول ما يخلص ابرسله مع اخوي ممدوح احمد طيب سلام
راح خالد لغرفته متلهف ماسك دفتر امل وبقلبه متخوف فاضي معقوله ؟؟
قلب بين صفحاته وبعده فاضي فتحه ع اخر وهو روقه تطيح
تطيح بهدوء وتتمايل يمين وشمال التقطها قبل ماتلامس الارض مسكها يبدهوكقربها منة وجهه يقربها منه اكثر
يشم عطرهها بنفس عميق بلحظه مرت عليه ذكريات السنين فكها ولقا بها كلمه تشرح حالتها وحاله
(احبك) كلمه معناها كبيـر بس للاسف يجهلها الكثير وقف خالد بين حلم ومصدق كان وده يشوف امل ويقول لها
بس مالقى غير الرساله اخذ قلم ورد قوف الكلمه بكلمه
يدق باب البيت يفتح احمد :
هلا ممدوح صديقي ممدوح :
هلابك ياحلو احمد:
ها خالد خلص الطباعه؟
ممدوح :لاوالله تذكر ان الطابعه عطلانه احمد وهو ياخذ الدفتر:
يااخوي معروفه تصريفات قديمه لكن هات الدفتر وخلاص بعدين اقابلك
راح احمد لامل وقال لها تصريفت الطابعه خذت امل الدفتر وفكته واخذت الورقه وفكتها لقت جواب بسيط (وانا اكثر احبك)
يمكن بذيك اللحظه كان شعور امل اكبر من انه ينوصف هي تحب خالد وخالد يحبها وهي تعرف انه يحبها
بس وش النهايه ومتى وكيف ؟؟؟
استمر خالد وامل ع الرسايل اللي كان ممدوح واحمد ساعي البريد\
حقهم وكان الوقت الوحيد اللي يستطيعون يشوفون بعض
هو روحتهم للمدرسه ورجعتهم منها ولكن هالي كان مخليهم يشتاقول لبعض اكثر بس اللي كان مصبرهم ان خالد
بيتخرج السنه ويخطب امل رسمي هو الامل والحلم اللي قرب يتحقق!!!!
كانت فتره الرسايل هي اطول فتره من حياه امل وخالد واحلاها وكانت الرسايل شغلهم الشاغل وش يكتبون فيها ووين يحطونها
كان عداد الكهرب واحد من هالاماكن اللي يحطون الرسايل فيها واحيانا او نادرا يسلمون الرسايل لبعضهم باليد
اهل خالد وامل يعرفون بالرسايل بس غضو النظر لانهم يعرفون ان محبه امل لخالد محبه عذراء بصراحه هو احلى حب
حب الطفولي وصريح كانت المشاعر حقيقيه مافيه تصنع مثل حب هالايام كان اللي بقلب الواحد تبينه الرساله
صحيح احيانا تكون الرساله بسيطه وغير مرتبه المعاني لكن كل واحد منهم يكتب بقلبه واحاسه حتى لو خانه التفكير
بليله مطر ورعد وبرق وقرب الفجر يدق باب بيت بو خالد يفك ابو خالد الباب وهو خايف ومتسائل مين اللي يدق الباب هالوقت ؟؟
يفك الباب ويلقى احمد ؟؟!!
ابو خالد: وشفيك عسى ماشر ؟؟
احمد بصوت حزين :عمي امل تعبانه وابوي مرابط بالدوام ونبي نوديها المستشفى
ابو خالد: ابشر الحين نروح بس البس واقوم خالتك
يروح ابو خالد لام خالد ويقومها علشان يودون امل المستشفى
يروح بو خالد وام خالد وام امل بامل للمستشفى وتتنوم امل بالعنايه الفائقه لان حالتها حرجه تطلب ام خالد من بو خالد يروح البيت ويداري
العيال ويجلسون ينتظرون احد يقول لهم وش فيها امل ؟؟
لكن مامن مجيب
ماكان عندهم الا الدعاء لها انها تقوم بالسلامه امل كانت لها كم يوم مريضه من البرد اصلن هي كانت تعاني من البرد بكل سنه بس هالسنه زاد عليها
وزادت اعراضه وساءت حالتها لين صارت مستعصيه وصعب جدا علاجها الان لانها جات متاخر كثير
يصحى خالد ومايلقى امه يسال اخوانه عن امه محد يعرف وينها
راح يسال ابوه : يبه امي وينها ؟
امك بالمستشفى
خالد مفجوع :بالمستشفى ؟؟
وش فيها امي ؟؟ ابوه:لا مو امك اللي تعبانه امل بنت جيرانا
خالد وهو مفجوع الحين اكثر: امل ؟؟
وش فيها ؟؟ومتى وديتوها ؟؟
ابوه وهو يدري ان خالد يحب امل :وديناها الفجر الظاهر انها جايها برد ولا شي
بس انت الحين قم البس تراك تاخرت عن المدرسه يقوم خالد ويبلس ثيابه وهو يفكر وشفيها امل ؟؟
ذاك اليوم اطول يوم ع خالد كان ينتظر جرس الطلعه يدق وده يروح البيت يلقى امه وتقوله ان امل طلعت
دق الجرس بعد يوم طويل من الافكار والهواجيس والامال يروح خالد للبيت ودقه قلبه دخل البيت :يمه يا يمه جاه جواب ممدوح
امي باقي في المستشفى خالد: طيب ما تصلت ولا كلمتكم ؟؟
ممدوح : الا كلمت اختي هند وطلبت منك تودي لها اغراض للمستشفى
استانس خالد وارتاح حس ان روحته للمستششفى بتريح اعصابه وتطرد القلق اللي عايش فيه
يروح خالد للمستشفى طيران من القلق بيوصل الاغراض واحمد يبغى يسمه من امه خبر عن امل واول ماوصل سال امه عنها ؟؟
تطمنه امه عن امل بعد ماتاخذ الاغراض تقوله امل بخير فاقت قبل شوي ان شالله بخير تطلب ام خالد من خالد يرجع البيت ويداري اخوانه بس للاسف
هي كذبت ع خالد امل تعبانه واكثر من امس تعبانه بس خافت تقوله تعرف ولدها ورده فعله وش بتكوون وتدعي ان الله يجيب العواقب سليمه
تروح لامل تطمن عليها لكن امل ماطولت سولفت شوي ورجعت لحالتها الاولى وغابت عمن الوعي بس يمكن بداخلها اسم واحد يتردد
وهو خالد
يجلس خالد بالبيت يفكر ويطمن نفسه بكلام امه امل بخير وبتقوم بالسلامه قريب ان شالله بس بداخله شي ثاني شي اول
مره يحس فيه بحياته احساس غريب وكئيب حس ان ذاك اليوم مو طبيعي حاول يقنع نفسه طول هالليل انها مجرد اوهام عدا الليل
بحاله ارق خلت خالد جالس يفكر قطع حبل افكاره صوت اذان الفجر تعوذ من ابليس وقام يصلي ركعتين دعا ربه دعا ربه من قلبه
ربي افي امل وقام وجهز نفسه ليومه الطويل
خرج خالد من البيت لقى ابو امل يركب سيارته وانطلق بسرعه هالموقف خلى هالد يوقف حاير هالشي يخص امل !! بس امل وشفيها
ممكن طلعت ممكن زادت حالتها سوء؟؟
اخذت الافكار طول طريق المدرسه صبر للماده الاولى .. الثانيه .. الثالثه ..وتنتهي الرابعه وينتهي معه صبره ويستاذن خالد للبيت
اولماوصل بقرب البيت يلقى خالد قدامه سياره الاسعاف ؟؟!! وقف هو ووقف قلبه معه وش اللي صار !!
جاه الجواب السريع تخرج من بيت بو امل جنازه ..لمين ؟؟!! وبعد يجيه الجواب بصرخه ام امل
أأأأأأأأأأأأأأأأأأأأأأأأأأأمل بنيتي أأأأأأأأمل وقف خالد وهو حاس انه واقف في فراغ امل ؟ماتت؟طيب ليه ؟ومتى ؟ يشوف في عيونه جنازه اغلى
انسانه احب خلق الله من بشر ع قلبه ماتت!! وبكل سهوله راحت ..تمنى يصيح باسمها بس ما قدر
تدخل جنازه امل الاسعاف وبادت السياره باصواتها اللي زات الجو حزن وهم وزاد صراخ ام امل
لحق الجنازه كل من حضر كانت جنازتها خياليه وكبيره اللي عرفها واللي ماعرفها حضر الكل حزن لموتها
بس فيه من حزن ع خالد كل حزن راح يعدي الا هالحزن خالد اكثر من حزن واكثر من حزن عليه الناس هو خالد
خالد اللي مابين لاحد حبه لامل بس الكل كان عارف

لكم مني ارقواعذب التحايـــــا