يوميات طالب راسب في الامتحان

يوميات طالب راسب في الامتحان ؟؟؟

--------------------------------------------------------------------------------

السلام عليكم والرحمة
كيف حالكم ... عساكم مرتاحين ...
جبت لكم قصة الطالب المسكين إلي رسب في الامتحان
<< الله يكون في عونه >>
انتهى العام الدراسي وطلعت راسب في الامتحان
رجعت البيت وحصلت الاسد منتظرني وهو غضبان
آتاريه عارف بالنتيجة من إبن عمي شحفان !
قلت في قلبي بوريه الدب دومه شغال فتان ..
عطاني الوالد كفين وبوكس وقال : ما في منك فايدة انت ولد خربان !
تميت بغرفتي فوق سريري ملان ..
قلت لنفسي: اسمع يا ولد روح شغل الكمبيوتر بدون ما يدري ابوك الطفشان
فتحت باب غرفتي وركضت شوي شوي مثل ركيض الفيران
وصلت للكمبيوتر وفتحته وانا اضحك
قالي الكمبيوتر : يا هلا والله دومك مو شايف خير يا جربان
قلت : سوي الكونكشن و انت ساكت لسانك طويل ما منه أمان
قال : عشان ابوك الطيب بسويه , لكن انت ولد فسدان !
دخلت النت وفتحت على ال?ات الي بالناس عمران
حصلت اسامي وايد .. دلوعة سمسومة و نملة .. ما ناقص إلا اشوف عايلة خان !
جلست ادور وفي النهاية طاحت عيني على وحدة مسمية نفسها كهرمان
سويت كليك على إسمها وكلمتها برايفيت .. وقلت لها : يا هلا والله بالرمان
تميت ادعي يا رب ترد عليَّ وتكلمني , تراني وايد عطشان ..
نطرت وبعد خمس ثواني حصلت رد صغير و حلو يقول : تسلم لي يا جنتل مان
قلبي دق وطرت من الكرسي مثل الغراب الفرحان
قلت : من وين انتي يا زمرد يا فرقدان ؟
ردت عليَّ من البلاد العربية .. وأنت يا فلان؟
قلت : من بلاد العرب هيمان
قالت : صدقت , والله إنك إنسان فهمان
قلت : شو إسمك وكم عمرك و وين تدرسي ؟ إذا بالإمكان ..
بعد هذا السؤال سألت نفسي .. أنا شايف خير ولا بعدني جوعان ؟
ردت عليّ وبكل ذوق : أنا اسمي *** , 22 سنه , جامعية .. وأنت يا فلان ؟
قلت: آخ هذي أكبر مني وجامعية بعد .. وأنا بعدني احوس في الثانوية مثل الجربوع العرقان
قلت : و انا إسمي *** , 23 سنة , و اشتغل في مدينة كان
و انا بيني وبينكم ما اعرف شنو هذي كان ؟ و وين موجودة ؟ بس سمعت انهم يسوون فيها مهرجان
قالت: و شنو تسوي يا *** في كان ؟
قلت : الوالد عنده فندق ومخليني مدير عليه .. وفي الحقيقة الوالد دومه طفشان !
قالت : على كذا اكيد لفيت آوروبا و انت حيران !
قلت : انا ما احب اروح إلا لندن وباريس .. مع أني ما رحت إلا السودان
قالت : اكيد كوّنت صداقات في كثير من البلدان ؟
قلت : اتعرفت على كثير بس ما أذكر إلا جون وميتران
وأنا صراحة ما اعرف إلا واحد مأذيني إسمه عصمان
كل يوم يتسلف مني على باله مسوي شركه ألبان
سألتني : شو نوع السيارة إلي تسوقها يا *** يا ابن فلان ؟
قلت : بورش موديل 2006 , وأنا ما أسوق إلا بيك أب موديل 79 مال أيام زمان وزمان
قالت : الله يزيدك من نعيمه كمان وكمان
ما إنتظرت ردي وسألتني : انت مرتبط ولا بعدك عايش في عالم العزوبية والتوهان ؟
قلت : انا وحيد و ما في حد يشارك قلبي بالأحزان
قالت : انا هني جنبك ما رحت ولا بروح مكان
قلت : انا كلني لك قلباً وعقلا ً ووجدان ..
قالت : ابي اسمع صوتك تراك وايد عجبتني حسيت انك إنسان فنان
قلت : وانا اكثر لأني صرت بحبك هيمان
بس أخاف تسمعي صوتي وتقولي شو هالطرزان ؟
قالت : ولا يهمك أنا قابلة فيك حتى لو كنت حيوان !
عطني رقمك وأنا أتصل لك خلال ثوان ..
قلت : خلاص البنت ذابت وصار حبي في قلبها مليان
توني بكتب الرقم و احس بهالساطور فوق كتفي غليان ..
رفعت راسي فوق مثل الاهبل فزعان
ما اشوف إلا الاسد جاي لي من عرينه زحفان
قال : جالس مع الكمبيوتر مثل البريعصي الهربان !
مش للغرفة بوريك انا بخليك تغني اغنية كنت نسيان !
وهو يسحبني من رقبتي مثل ××× الصعران ..
حصلت رسالة منها تقول : وينك حبيبي ؟ عطني رقمك خليت قلبي ولهان !
قلت : مسكينة حبيبتي انا رايح جهنم وهي تحسبني في كان
وما اقول إلا آه منك يال?ات خليت الناس عايشين في عالم الكذب والخذلان
لا تحرموني من رايكم
مسروووووووووق