[b] قصة غرام .. صيته ودعيبس ..^_* روميو وجولييت االصحاري

قصة غرام .. صيته ودعيبس ..^_* روميو وجولييت االصحاري
________________________________________
سلامو حبايب قلبي هذي قصة مرررررة تجنن شفتها في احد هالمواقع من زمااااااااان وعجبتني وامس وانا احذف خرابيط من جهازي لقيتها للحين محفوظة قلت اجيبها لكم يالله بسم الله نبدأ

غر1م بعير


يكثر في فياض الصمان الابل لكبر المساحه وحسن المرعى وكثرة الربيع وقت الامطار( الله يجيب السيل ) وايضاً وجود الدحول التي تختزن الماء في الصيف ( الدحول اذا نضرنا في المعجم الوسيط : هو جمع دحل وهي الحفر العميقة الملتوية في الأرض وتكون في اماكن منخفضة من الأرض تنحدر السيول فيها اثناء موسم الامطار )
و من هذه الابل حاشي مراهق ممشوق القوام ابيض اللون كثيف الشعر على الرقبة والحلق والرأس وذروة السنام يمشي متبختراً بجماله ( ولا جرح المودهـ ) كل همه يتندح بين هالنياق الصغار خاصة ( البكار )
المهم . .
مرّت الايام وهو على هالحال همه أكل وشرب وغزلي في هالنياق
يوم من الايام اللي تجي وتروح زي باقي الايام جاء ذاك اليوم على عادته , وناظر إلى هاك الناقه واردة الماء وتبي تشرب وماقدرت
قال : هذي فرصتك , وقم وافتح لها حنفية الوايت كلها قال: اشربي لعن ابو الفقر لا تروحين للدحل وانا فيه

شربت لين رويت ومسحت شفايفها بمنديل عشان مايخرب الروج
وقالت : الله يعطيك الف عافيه توني زملة من نزلت هالدحل وعلي هالخف الكعب يزلّّق!!

قال الحاشي :

على شانك تحملت الصعايب ** اذوق المر لأجل رضاك حالي

ابتسمت الناقه وصكّته بذيك النظره اللي بغت تجيب اجله .

تنهّد وقال:

الله اكبر كيف يجرحن العيــــــون ** كيف مايبرى صويب العين ابد
احسب أن الرمش لا سلهم حنون ** واثر رمش العين ماياوي لاحد
يوم روّح لي نظر عينه بهـــــون ** فزّلــه قلبـــي وصفّــــق وارتعد


ضحكت الناقه ودرت انها لعبت في قليبه , عطته وراها ومشت على هونها وهي تومي بذيلها00 يمنة ويسره00 وقلبه يروح يمين ويسار 0

قال : آآآآآآهـ

وانعطف هاك الشعر فوق المتون ** وانثنى عوده وقفى وابتعد

طال الليل على خوينا الحاشي متى يجي الصبح ؟؟
كل شوي يطالع في ساعته الريموندويل ماصدق اانه يسمع صوت الراعي يذّن
طمر من محلّه وراح يدور عند الشبك وهو يطقق خفوفه (( طبعاً ماله أصابع ))
ويروح ويجي لين طلع النور وجاءه الراعي وفتح لهم الشبك
ماصدق خبر وراح عند الوايت يحتريها تشرب
جاء الراعي قال : خير ان شاء الله وش جايبك انت وخشّتك كل ذا ضما ؟؟
تلعثم الحاشي , قال : هاه لااا أبد مافيه شي بس طاح كبكي امس هنا وجيت ادوره

قال الراعي : اقول بلا استهبال كبك وانت عليك ثوب ساده يالله ظف وجهك مع البعارين لا ألكمك !!

لٌقّط وجهه خوينا وراح
قال: خيره انها ماسمعت وش قال لي الراعي كان طحت من عينها ولا عطتني وجه
المهم وهو يكلم نفسه الا هذي خويته تقابله يوم شهق من الفرح )) أمّا بعير يشهق كثّر منها ))

وقال :

كفاني عذاب الله يجازيك بافعالك ** جرحت الضمير ولا طرالك تداويني

ضحكت الناقه ذيك الضحكة اللي شلعت قلبه وقالت:

ياعل قلب ماشكا الحب والتاع ** تنهار من فوقه محاني ضلوعه
ياما نهيت القلب لا شك ماطاع ** ماطاع يدله والليالي تلوعـــــه
أثر الموّلع دمعته تجرح القاع ** والى ذكر مافات هلت دموعـــه



الحين تاكد الحاشي انها تبادله نفس الشعور
ارتاح خاطره واسفهلّ وماعاد خذته الدنيا
مرّت الايام وكبروا وكبر حبهم معهم ، يلتقون كل يوم ويتبادلون المشاعر والاحاسيس
وفي يوم من الايام وهم قاعدين على ذاك الطعس الا يوم مرت ذيك الناقه العفراء
طيّّر عيونه رفيقنا مشبّّه عليها (( مهوب قصده شي! ))
انتبهت له الناقه خويته وطمرت من محلها
قالت : خلها تنفعك الله يمّليك بركتها
انتبه خوينا انه اخطأ ولحقها
وقال: وّقفي اشرح لك الموضوع

التفت عليه وقالت:

مدام قلبي لك شفوق ومــــــــــيلاف ** وراك ياخلي قليل المروفـــــــــــه
قلّي عسى مابه على الخاطر خلاف ** عسى حبيبي ماقصر دون شوفـــه
لا لا تعسر القلب في كل محـــــراف ** واحذر يجي عقب الموده حسوفه
دوك الدموع بحاجرالعين وــــــقّاف ** لاانت بماسكها ولاهي ذروفــــــه


تحسّف ابو الشباب ودرى انه غلطان , ورد عليه :

لك حق تزعل ثم لك حق نرضيـــــك ** مااقوى زعل حبيب قلبي وعيني
مدام قلبي ياريش العين مغليــــــــك ** اطلب ولك روحي ومافي يدينــي
يوم الله احسن صورتك خصّني فيك ** فيك الجمال وصادق الحب فينـي



وقفت وتبسمت
وارتاح خاطرها . . .
وهو تنهد و قال : هاه طاح الحطب ؟
قالت : اه ياااني لو كنت أأدر اسيبك (( قلبت أم كل ثوم مهيب ناقه ))
وعاشوا في سبات وتبات وخلفوا حواشي وناقات


وبهذهـ أنتهت قصة الحب الخالد بين خوينا الخاشي وخويتنا الناقه على حب خالد لا تمحيه الغيرهـ ولا ر1عي الغنم
على امل ان تجوز على استحسانكم واهتمامكم



اوووهـ نسينا نسمى الابطال !!!
الحاشي = دعيبس
الناقه = صيته



منقول